克勤個唱尾場張敬軒捧場跳唱

显示全部楼层 · 发表于娱乐 2023-5-22 07:51:28

克勤在台上大派心心。

一共7場的《弦續李克勤．港樂演唱會》前晚假紅館圓滿落幕，太太盧淑儀與兩個兒子李立仁和李力司繼續捧場。克勤在台上獻唱《傻女》時，令捧場的原唱者陳慧嫻成為焦點，他見好友被集郵即說：「寶麗金之友，哎吔，唔好意思，（我）真係衰，快啲熄（現場）燈。」

克勤又跟逾萬觀眾互動大合唱《紅日》，見坐在VIP席的張敬軒即做出心心手勢，軒仔還起身大力拍掌，偕克勤跳唱快歌，克勤即讚謂：「呢邊咁勁，原來有張敬軒。」克勤每晚都收到歌迷的利是外，還有大堆禮物，他自爆當中包括：「有好高度數嘅防曬用品，因為覺得我黑啦，仲有抗皺面膜，明顯知我需要，所以為我擔心，明白嘅。」個唱兩度Encore唱至晚上11時45分，他接受訪問時謂唱《一生不變》中的「別了不知那一天再相見」時忍不住眼濕濕，對於歌迷高舉「禁退休」的大型燈牌，他承諾：「唔使擔心住，我家庭負擔重，唔會退休住啦。」

張敬軒投入睇騷，睇到手舞足蹈。