分享旅遊相——美食篇

围观一下

哇哦(˵¯͒〰¯͒˵)看起来都好好吃

食緊杯面睇住呢個 post
好正啊

感觉好清淡…

小白菜粉 发表于 2024-9-18 13:05
感觉好清淡…

溝wasabi食就唔清淡，

看落都可以，但聽講日本人不吃三文魚，不知道是否真的

yzydmja 发表于 2024-9-20 19:29
看落都可以，但聽講日本人不吃三文魚，不知道是否真的

首先要定義乜嘢叫「三文魚」，

geniuz 发表于 2024-9-21 01:05
首先要定義乜嘢叫「三文魚」，

是指在那裏出產？

yzydmja 发表于 2024-9-21 14:51
是指在那裏出產？

「三文」唔係一個生物學嘅名稱，甚至俗稱都講唔上，僅僅係一種商品名稱，係挪威漁船路過廣東嘅時候賣俾廣東人，廣東人問呢d係乜嘢魚，挪威人就用一個源自拉丁語嘅詞彙salmon（“跳躍”嘅意思），即係「跳魚」，廣東人就將salmon直譯「三文」。


嚴格離講，挪威呢種三文魚屬於鮭魚科、大西洋鮭魚屬，可以話係鮭魚嘅一種。鮭魚科好大，除左大西洋鮭魚，仲有太平洋鮭魚，中國、日本、朝鮮都係好多鮭魚嘅，例如哲羅魚、大馬哈魚、虹鱒都屬於鮭魚，個樣都同挪威最原本嘅「三文魚」差不多，都係紅肉條紋。所以漸漸，唔止挪威元祖個種大西洋鮭魚被稱為「三文魚」，其他種類鮭魚都被叫做三文魚。

但中國、朝鮮、日本傳統離講都唔會生食，因為都知道有寄生蟲。無論係鹹水鮭、抑或淡水鮭，都會有寄生蟲，只不過鹹水鮭就相對少d寄生蟲，因為鹹水之中，寄生蟲難以存活。但係，（鹹水）鮭魚有個習性，就係會翻去淡水產卵，加拿大、挪威嘅鮭魚都會，所以仍然會接觸淡水，仍然有唔少寄生蟲風險。而寄生蟲其實多數來自鮭魚嘅食物，主要係蝦蟹，鮭魚肉紅色亦都因為蝦紅素，食左蝦蟹，蝦紅素同寄生蟲都一同轉移到鮭魚身上。


至於點解而家國內、甚至日本都唔少店鋪生食三文魚（唔一定係挪威元祖個種鮭魚）。係因為70年代挪威發展漁業，發現呢種「跳魚」好好養，之後就打算出口。然後挪威人聽講日本中意食魚生，1985年就sell去日本（廣東順德都中意魚生，所以亦試圖sell離廣東）。當年其實日本係睇唔上呢種salmon，覺得就等於日本自己產嘅鮭魚，亦知道有寄生蟲，基本唔可以生食。所以雖然1985年開始挪威就出口好多魚去日本，但完全唔包括三文魚。直到1995年，日本一家做廉價低端凍肉嘅公司拓展業務，而挪威d三文魚剛好產量超標，賣唔去，一拍即合就賣去日本。開初係做成冷凍包裝，後離就嘗試賣去d低端壽司店。點知日本人好中意呢種油膩口感嘅魚生，感覺同toro好似，但就平好多，因此紅左。

至於「三文魚」係咪可以生食，首先睇你點定義三文魚，係鹹水鮭魚、抑或淡水鮭魚。例如中國青海出產嘅虹鱒，屬於淡水鮭魚，寄生蟲風險就好高。當然，亦因為飼養技術嘅進步，例如淨化水質、用飼料唔用蝦蟹、投放殺蟲藥…，亦有可能將淡水鮭魚嘅寄生蟲風險降到好低。然後即使鹹水鮭魚，一樣有風險，所以而家日本、美國之類嘅發達國家，允許生食鮭魚（三文魚），但必須做好殺蟲，例如美國嘅標準就係：-35度低溫雪藏15個鐘以上。

結論就係，日本傳統唔生食三文魚（鮭魚），無論挪威元祖個種大西洋鮭魚、還是廣義嘅鮭魚科，呢一點蔡瀾嘅書都有講，佢亦有講點解鹹水鮭魚風險細d。日本食三文魚魚生係從1995年開始，屬於被挪威人老點。所以而家，日本傳統老店唔會有三文魚刺身或者壽司，但新派嘅壽司店就好普遍。當然，日本人食魚生嘅歷史其實都係一百年幾十年，冇幾長，傳唔傳統，純粹視乎你覺得幾長時間先叫傳統。

如果問我食唔食，一來我對生野麻麻地，二來就算食少少，都係出國旅遊，尤其去d發達國家，先敢食，畢竟人地無論捕撈、飼養、殺蟲等一系列製作手段都比較有保證。中國大綠就……你敢食冇人攔你。

geniuz 发表于 2024-9-21 15:31
「三文」唔係一個生物學嘅名稱，甚至俗稱都講唔上，僅僅係一種商品名稱，係挪威漁船路過廣東嘅時候賣俾廣 ...

之前香港有人食什麼oma卡些那陣時，食什麼鮟鱇魚肝，食著食著有寄生蟲，之後那間餐廳同他說有寄生蟲是正常的...一開始不肯賠錢，後來公開了才說肯賠4000幾元